Հայաստանի հաշմանդամային մարմնակրթութեան միութեան հաւաքականը Հոկտեմբերի 14-էն 23 Կրթութեան, գիտութեան, մշակոյթի եւ մարմնակրթութեան նախարարութեան աջակցութեամբ Թուրքիոյ Անթալիա քաղաքին մէջ մասնակցած է հաշմանդամային բազկամարտի աշխարհի առաջնութեան: Երկու օրուան հանրագումարին Հայաստանի ներկայացուցիչները յաջողած են նուաճել 8 մետալ՝ 4 ոսկեայ եւ 4 պրոնզեայ: Աշխարհի ախոյեանի կոչման արժանացած են Նայիրա Մեսրոպեան եւ Մարինէ Մկրտչեան՝ երկուքական ոսկեայ մետալ նուաճելով ձախ եւ աջ ձեռքերով:   Աղջիկները խմբային հաշուարկով զբաղեցուցած են երրորդ հորիզոնականը: Աշխարհի առաջնութեան 54 երկրի ներկայացուցիչներ մասնակցած են: Արեւմտեան Հայաստանը կը շնորհաւորէ մարզիկները գրանցած յաջողութեան համար եւ կը կարեւորէ, որ այդ յաղթանակները տարուած են  Թուրքիոյ մէջ, բան մը, որ նաեւ կը նախազգուշացնէ զանոնք, որ աւելի մեծ յաղթանակը դեռ պիտի գայ, եւ այն հայրենիքի համար տարուող յաղթանակն է։