Արցախի Հանրապետութեան Մարդու իրաւունքներու պաշտպանը Ֆէյսպուքեան պաշտօնական էջին տեսանիւթ  հրապարակած է Ատրպէյճանի զինուած ուժերուն կողմէ հայկական մշակութային ժառանգութեան վանտալիզմի եւ ոչնչացման դէպքերուն վերաբերեալ Արցախի վերահսկողութենէն դուրս մնացած տարածքներուն մէջ:

Վանտալիզմի ենթարկելու փաստերը Արեւմեան Հայաստանը սկսած է հաւաքագրել տակաւին Ջուղայի խաչքարերուն հետ տեղի ունեցած վանտալիզմի ժամանակ եւ դատ բացած Ատրպէյճանին դէմ։ Այն ի հարկէ նախադէպային էր, քանի որ վերջապէս հայկական կառոյցը դատապարտեց վանտալ Ատրպէյճանի գործողութիւնները, բան մը, որ ստացաւ նաեւ միջազգային արձագանգ։ Այն, ինչ որ հիմա կը կատարէ Ատրպէյճան Մայր Հայաստանէն բռնազաւթուած տարածքներուն մէջ, սպասելի է, քանի որ այս քոչուոր ազգը, որ չես գիտեր, թէ ինչպէ՞ս  պետականութիւն ստացած է, եւ ինչպէ՞ս ստեղծուած է, դարձած է համաշխարհային մշակութային գլուխ գործոցները  ոչնչացնող պետութիւն, բան մը, որ կարծես կը վրիպի միջազգային հանրութեան աչքէն։