Ցեղասպանագէտներու միջազգային ընկերակցութեան գործադիր մարմինը Հոկտեմբերի 24-ին ընդունած է «Հայաստանի Հանրապետութեան եւ Հարաւային Կովկասի բնիկ հայերու դէմ ատրպէյճանական յարձակման մասին» յայտարարութիւն, որով խստօրէն կը դատապարտէ Ատրպէյճանի ներխուժումը Հայաստանի ինքնիշխան տարածք եւ շարունակուող յարձակումը Արցախի դէմ՝ մտահոգութիւն յայտնելով, որ Արցախի ժողովուրդը կանգնած է ցեղասպանութեան վտանգին առջեւ:

Ցեղասպանութեան վտանգը վերացնելու նպատակով Ցեղասպանագէտներու միջազգային ընկերակցութեան գործադիր մարմինը կոչ կ’ուղղէ.

Միջազգային հանրութեան եւ ակադեմիական ու մշակութային կազմակերպութիւններուն՝ դատապարտել Ատրպէյճանի բռնութիւնն ու ատելութեան խօսքը Հայաստանի դէմ եւ ձեռնարկել բոլոր անհրաժեշտ միջոցները Ատրպէյճանին ստիպելու դադրեցնել ռազմական գործողութիւններն ու ատելութեան խօսքը Հայաստանի Հանրապետութեան եւ Արցախի բնիկ հայերուն դէմ, Ատրպէյճանին՝ կատարել ՄԱԿ-ի Արդարադատութեան միջազգային դատարանի 2021 թուականի Դեկտեմբերի 7-ի որոշումը, Ատրպէյճանին՝ ետ քաշել իր զօրքերը Հայաստանի Հանրապետութեան տարածքէն եւ յարգել արցախահայութեան ինքնորոշման իրաւունքը, որ երաշխաւորուած է Միացեալ ազգերու կազմակերպութեան կանոնադրութեամբ (Գլուխ I, յօդուած 2), Միջազգային հանրութեան՝ զսպել Ատրպէյճանի նախագահ Իլհամ Ալիեւի բռնապպետությունը, որ պատասխանատու է 2020 թուականի Սեպտեմբերէն Հայաստանի եւ հայերու դէմ իրականացուած յարձակման (յանցագործութիւններ խաղաղութեան դէմ), ռազմական յանցագործութիւններուն եւ մարդկութեան դէմ յանցագործութիւններուն համար:

Արեւմտեան Հայաստանի նախագահ Արմենակ Աբրահամեան իր հանրային ելոյթներէն մէկուն մէջ եւս ընդգծած է, որ այս Արեւմտեան Հայստանի բնիկ տարածքներուն մէջ իրականացուած ցեղասպանութեան շարունակութիւնն է, քանի որ Թուրքիա չպատժուեցաւ 1․5 միլիոն անմեղ հայերը կոտորելուն, ունեզրկելուն եւ իրենց բնիկ տարածքներէն բռնի տեղահանելուն համար։ 2020 թուականէն Ատրպէյճան Թուրքիոյ օգնութեամբ Արցախի մէջ սկսաւ իր ցեղասպանական գործողութիւնները, որոնք այսօր կը շարունակուին Հայաստանի Հանրապետութեան հետ շփման գիծին վրայ։