ՀՀ Կրթութեան, գիտութեան, մշակոյթի եւ մարմնակրթութեան նախարարութեան աջակցութեամբ Հայաստան առանձին տաղաւարով մասնակցած է Ֆրանքֆուրթի գիրքի միջազգային ցուցահանդէսին: Հայաստանի տաղաւարն այս տարի նուիրուած էր Եղիշէ Չարենցի ծննդեան 125-ամեակին: Ֆրանքֆուրթի ցուցահանդէս-տօնավաճառն իր տեսակին մէջ միջազգային ամենամեծ գիրքի հարթակն է, որուն Հայաստան կը մասնակցի աւելի քան քսան տարիէ ի վեր: Միջոցառման այս տարի ներկայացած էին աշխարհի 100 երկիրներէ աւելի քան 7 հազար մասնակիցներ: Այն հրաշալի առիթ էր հերթական անգամ ցուցադրելու, հանրահռչակելու Հայաստան եւ արտերկիր հրատարակուած օտարալեզու հայ գրականութիւնն ու մշակութային գրաւոր ժառանգութիւնը: 

Ֆրանքֆուրթի գիրքի միջազգային ցուցահանդէսին Հայաստանի մասնակցութեան նպատակներն են գրատարածման բնագաւառին մէջ միջազգային համագործակցութիւնը, արտերկրի հայ գրականութեան հանրահռչակումը, գրական դաշտի բոլոր օղակներու զարգացումը:

Արեւմտեան Հայաստանը ուրախ է, որ նման միջազգային փառատօնին ՀՀ-ը ներկայացած է Արեւմտեան Հայաստանի զաւակ, ծնունդով Կարսեցի Եղիշէ Չարենցի ստեղծագործութիւններով։ Այս լաւագոյն հարթակն է, գրականագիտական ոլորտի մասնագէտներուն պատմելու Չարենցի, անոր ծննդավայրին, ականատես եղած ցեղասպանութեան եւ  կրած դժուարութիւններէն ետք նման հասկայածաւալ  գրական ժառանգութիւն ձգելուն մասին։