Եւրոպական միութեան դիտորդներն ուղեւորուած են հայ-ատրպէյճանական շփման գիծ՝ պարեկութիւն իրականացնելու։ Այս լուրը կը տեղեկացնէ Եւրոպական միութեան արտաքին քաղաքականութեան եւ անվտանգութեան հարցերով բարձր ներկայացուցիչ Ժոզէփ Պորէլի ղեկավարութեամբ գործող Եւրոպական արտաքին գործողութեան ծառայութիւնը:

Ծառայութիւնը թուիթըրեան գրառմամբ նշած է, որ ԵՄ առաքելութիւնը պիտի հետեւի սահմանի հայկական կողմին տիրող իրավիճակին՝ վստահութիւն ձեւաւորելու եւ սահմանային յանձնաժողովներուն աջակցելու համար։

Քաղաքացիական դիտորդական առաքելութեան տեղակայման մասին որոշումը կայացուած է այս ամսուան սկիզբը Փրակի մէջ` Հայաստանի, Ատրպէյճանի, Ֆրանսայի եւ Եւրոպական խորհուրդի ղեկավարներու հանդիպման արդիւնքով: Եւրոպացի անզէն 40 դիտորդները Հայաստան պիտի մնան առաւելագոյնը երկու ամիս:

Արեւմտեան Հայաստանը յոյս կը յայտնէ, որ ԵՄ դիտորդներու ներկայութիւնը շփման գիծին վրայ թէկուզ  եւ ժամանակաւորապէս պիտի զսպէ  Ատրպէյճանը։