Անվտանգութեան խորհուրդի քարտուղար Արմէն Գրիգորեան ընդունած է ԵԱՀԿ կարիքներու գնահատման առաքելութեան անդամները: Կարիքներու գնահատման ԵԱՀԿ առաքելութիւնը կը գլխաւորէր ԵԱՀԿ-ի մէջ նախագահող Լեհաստանի ներկայացուցիչ գնդապետ Ռոպերթ Արքատիուշ Թքաչիկ։

«Ողջունած եմ առաքելութեան անդամները եւ կարեւորած առաքելութեան աշխատանքը՝ միջազգային հանրութեան Սեպտեմբերի 13-ի Ատրպէյճանի յարձակման մասին տեղեկատւութիւն փոխանցելու գործին մէջ:

Ներկայացուցած եմ Սեպտեմբերի 13-ին ատրպէյճանական զօրքերու սանձազերծած յարձակման եւ անոր հետեւանքները: Ընդգծած եմ, որ վերոնշեալը հարուած է ոչ միայն ՀՀ ինքնիշխանութեան, այլ նաեւ Հայաստանի ժողովրդավարութեան:

Գնդապետ Ռոպերթ Արքատիուշ Թքաչիկ վստահութիւն յայտնած է, որ ԵԱՀԿ պիտի շարունակէ խորացնել Հայաստանի հետ համագործակցութիւնը,որուն համար կայ երկկողմ պատրաստակամութիւն»,- ֆէյսպուքեան իր էջին գրած է Արմէն Գրիգորեան: