Միացեալ Նահանգները Հայաստանի եւ Ատրպէյճանի միջեւ որեւէ խնդիրի յաղթահարման գործին մէջ կը կարեւորէ ուղիղ երկխօսութիւնը,- լրագրողներու հետ ճեպազրոյցի ժամանակ նշած է ԱՄՆ Արտաքին գործոց նախարարութեան խօսնակի տեղակալ Վետանթ Փաթէլ։

«ԱՄՆ Արտաքին գործոց նախարարը շեշտած է, որ ԱՄՆ-ը յանձնառու է Հայաստան-Ատրպէյճան խաղաղութեան բանակցութիւններուն, եւ մենք կոչ ուղղած ենք երկու առաջնորդներուն հանդիպիլ որեւէ ձեւաչափով, որ առաւելագոյնս օգտակար պիտի ըլլայ անոնց համար։ Մեր տեսակէտը հետեւեալն է՝ ուղիղ երկխօսութիւնն առանցքային է խնդիրներու յաղթահարման ու տեւական խաղաղութեան հասնելու գործին մէջ։ Չկայ Հարաւային Կովկասի երեք երկիրներու ինքնիշխանութեան եւ անկախութեան աւելի շատ սատարող, քան ԱՄՆ-ն է»,- նշած է Փաթէլ՝ ընդգծելով, որ Միացեալ Նահանգները նոյն կերպով իր աջակցութիւնը յայտնած էր 1991 թուականին Հայաստանի, Ատրպէյճանի եւ Վրաստանի անկախութեան վերականգնման ժամանակ»։

Արեւմտեան Հայաստանը այս առնչութեամբ յայտնած է իր տեսակէտը, ըստ որուն խաղաղութեան մասին բանակցութիւններ կրնան տեղի ունենալ միայն, երբ թուրք-ատրոէյճանական դաշինքը դուրս գայ բռնազաւթուած  հայկական բնիկ տարածքներէն։