Արեւմտեան Հայաստանի Վան նահանգի Պաշքալէ շրջանին մէջ գտնուող Սուրբ Բարդուղիմէոս հայկական վանքը կը գտնուի կիսաքшնդ վիճակի մէջ:  Պահպանուած է մուտքի դրան կամարը, սակայն գմբէթը աւերուած  է: Այս վանքը 1600 տարի կանգուն էր, սակայն վերջին 100 տարուան ընթացքին ոչնչացուեցաւ, լքուեցաւ եւ այժմ միտումնաւոր կերպով կ’ոչնչացւի:

Ըստ աւանդութեան, վանքը առաջին դարուն հիմնադրած է Սանատրուկ թագաւորը՝ Բարդուղիմէոս առաքեալի գերեզմանին վրայ: Վանքը կը յիշատակուի 13-րդ դարէն։

Միջնադարուն վանքը եղած է Աղբակ գաւառի առաջնորդանիստ։ Վանքի եկեղեցին 13-րդ դարուն կառուցուած է հնագոյն բազիլիկի հիմքի վրայ:

1915-1916 թուականներուն վանքն անցած է թուրք զինուորականներու վերահսկողութեան տակ: 1990-ական թուականներէն օգտագործուած է որպէս յատուկ զօրամասի հենակէտ։ Վանական համալիրը մեծապէս տուժած է 1966 թուականի երկրաշարժէն։ Եկեղեցւոյ գմբէթը կանգուն եղած է մինչեւ 1960-ական թուականները, սակայն անկէ ետք ամբողջ կառոյցը աստիճանաբար փլnւզուած է, եւ գմբէթէն ոչինչ  մնացած։