Կիրակի, Հոկտեմբերի 30-ին Ստեփանակերտի մէջ նախատեսուած է ԱԺ արտահերթ նիստ, որուն ընթացքին, դատելով հաղորդագրութիւններէն, պիտի ընդունուի յայտարարութեան բնագիր, որուն մէջ կոչ պիտի ուղղուի ՀՀ իշխանութիւններուն չընդունիլ խաղաղութեան պայմանագիրի որեւէ տարբերակ, որուն մէջ կը բացակայի Արցախի հարցը։ 

Դատելով Արցախի խորհրդարանական ուժերու ներկայացուցիչներու յայտարարութիւններէն, այս գործընթացը ի վերջոյ պիտի յանգի այսպէս կոչուած «Ուաշինկթընեան տարբերակ»ը մերժելուն եւ «ռուսական նախագիծ»ը ընդունելուն։ «Ուաշինկթընեան տարբերակ» հրապարակեց ռուսական յատուկ ծառայութիւններուն հետ կապուած թելեկրամեան ալիք մը:

Նշուած է, որ «Ուաշինկթընեան տարբերակ»ը կը նախատեսէ Արցախի պատկանելութիւնը Պաքուին եւ միջանցքի բացումը, իսկ «ռուսական ծրագիր»ով իբրեւ տեղ ձգուած է կարգավիճակի համար։  Յատկանշական է, որ «Ուաշինկթընեան տարբերակ»ի գոյութիւնը հաստատեց անձամբ Ռուսիոյ նախագահ Փութին Վալտայ ակումբին մէջ իր ելոյթին մէջ, իսկ թէ ինչ կ’ենթադրուի ռուսական տարբերակով՝ ան չէ յայտնած: 

Արեւմտեան Հայաստանի համար չկայ «Ուաշինկթընեան» կամ «ռուսական» տարբերակ, կայ «Միացեալ Հայաստան»ի տարբերակ, որ ոչ մէկ պարագայի կ’ընդունի մեր պետութեան տարածքներու բռնազաւթումը թուրք-ատրպէյճանական պետութիւններուն միջեւ։ Մենք իրաւունք չունինք ընտրութիւն կատարելու վատի եւ վատագոյնի միջեւ, մենք պէտք է առաջարկենք մեր սեփական տարբերակը, որ պիտի բխի ազգային շահէն եւ հիմնաւորուած պիտի ըլլայ մեր ընդհանուր Հայաստան պետութեան արդէն իսկ ընդունուած փաթեթի վրայ։