Մեծ Բրիտանիոյ Լորտերու պալատի անդամ պարոնուհի Քերոլայն Քոքս եւ Լորտ Հուսէին խորհրդարանական քննարկումներու ժամանակ բարձրացուցած են շարք մը հարցեր: 

Քերոլայն Քոքս նշած է․

«Այս տարի երկու անգամ այցելած եմ Հայաստան եւ ականատես եղած եմ Ատրպէյճանի կողմէ հայերուն պատճառուած ցաւին՝ անպատժելիութեան մթնոլորտին, ներառեալ 2020 թուականի հրադադարի համաձայնագիրով ստանձնած բոլոր գերիները ազատ արձակելու վերաբերեալ պարտաւորութիւններու չկատարման: Վերջերս տեսանիւթ  հրապարակուած է, որ ի ցոյց կը դնէր հայ բանտարկեալներու նկատմամբ դաժան վերաբերմունքը, խոշտանգումները եւ սպանութիւնները: Ի՞նչ նշանակալից նախաձեռնութիւններ  եղած են կամ կը ձեռնարկուին Միացեալ Թագաւորութեան կառավարութեան կողմէ Ատրպէյճանը պատասխանատւութեան ենթարկելու համար»:

Լորտ Հուսէին շեշտած է, որ Հայաստանի եւ Ատրպէյճանի միջեւ սահմանային վերջին բախումները կ’ընդգծեն այդ երկու երկիրներուն միջեւ ԵՄ-ի գլխաւորած խաղաղութեան գործընթացն արագացնելու անհրաժեշտութիւնը, այնուհետեւ հանդէս եկած հետեւեալ հարցադրումներով. «Արդեօք համաձա՞յն էք, որ բոլոր հարցերու կայուն լուծման հասնելու եւ Հայաստանի ու Ատրպէյճանի միջեւ յարաբերութիւնները լիովին կարգաւորելու համար անհրաժեշտ է ունենալ համապարփակ խաղաղութեան համաձայնագիր: Աւելին՝ արդեօք կրնա՞ք վերահաստատել երկու երկիրներուն միջեւ ԵՄ գլխաւորած միջնորդական ջանքերուն Բրիտանական կառավարութեան աջակցութիւնը»:

 Ներկայ աշխարհակարգին մէջ  Անգլիոյ մէջ տարուող պետական  քաղաքականութեան հեռանկարային դաշտին մէջ՝ Արեմտեան Հայաստանը բարձր կը գնահատէ Քերոլայն Քոքսի աշխատանքը յիշեցնելով, սակայն, որ յայտնի խաղաղութեան պայմանագիրն արդէն գոյութիւն ունի, այն Սեւրի Դաշնագիրն է, որ ստորագրուած է Բրիտանական կայսրութեան կողմէ։ Ոչ բոլոր պետական այրերը կը համարձակին բարձրաձայնել հայերուն հետ կատարուելիքը, սակայն պարոնուհին յստակ կերպով եւ փաստարկներով միջազգային հանրութեան կը ներկայացնէ այն յարձակումն, որ կ’իրականացուի ողջ Հայաստան պետութեան դէմ, ու անոր հետեւանքները։