ՀՀ Կրթութեան, գիտութեան, մշակոյթի եւ մարմնակրթութեան նախարարի տեղակալ Ալֆրէտ Քոչարեան Հոկտեմբերի 28-ին ընդունած է ԱՄՆ դեսպանատան հասարակայնութեան հետ կապերու բաժնի տնօրէն Ճենիֆըր ՄքԷնտրիուն եւ նոյն բաժնի մշակութային եւ կրթական փոխանակման ծրագիրներու մասնագէտ Անահիտ Խաչատրեանը:

Հանդիպման ընթացքին Ճենիֆըր ՄքԷնտրիուն ներկայացուցած է ԱՄՆ դեսպանի մշակութային արժէքներու պահպանութեան հիմնադրամի 2023թ. համար նախատեսուած յայտարարութիւնը: Կողմերը  քննարկած են հիմնադրամին կողմէ Հայաստանի մէջ իրականացուող ընթացիկ եւ աւարտած ծրագիրները։ 

Ըստ աղբիւրին, պատմութեան եւ մշակոյթի յուշարձաններու պահպանութեան վարչութեան պետ Յարութիւն Վանեան հիւրերուն ներկայացուցած է Երերոյքի եւ Գառնիի տաճարներու պատմական տարածքներուն մէջ իրականացուած  վերականգնման աշխատանքները՝ աւելցնելով, որ Գառնիի տաճարի տարածքին պեղումներ իրականացնելու անհրաժեշտութիւն նոյնպէս կայ:

Նշուած է, որ հանդիպման ընթացքին քննարկուած են համագործակցութեան կարեւոր ուղղութիւնները, անդրադարձ կատարուած է նաեւ աշխատանքային  շարք մը հարցերու:

Արեւմտեան Հայաստանը կ’առաջարկէ նաեւ ուշադրութիւն հրաւիրել մեր բնիկ տարածքներու մշակութային ժառանգութեան վրայ, որ այսօր ոչնչացման եզրին է բռնազաւթիչ Թուրքիոյ  իշխանութիւններուն վարած քաղաքականութեան պատճառով: Գործեցէ՛ք, քանի դեռ ուշ չէ: