Հոկտեմբերի 28-ին Մայր Աթոռ Սուրբ Էջմիածին  ժամանած է Կ․ Պոլսոյ Հայոց Պատրիարք Ամենապատիւ Տ․ Սահակ արքեպիսկոպոս Մաշալեան։

Մայր Աթոռի տեղեկատուական համակարգէն կը յայտնեն, որ այս առիթով Մայր Աթոռ Սուրբ Էջմիածնայ միաբանները Կ․ Պոլսոյ Հայոց Պատրիարքին թափորով առաջնորդած են Սուրբ Յովհաննէս Մկրտիչ եւ Սուրբ Վարդան մատուռ–մկրտարան, ուր Գերաշնորհ Տ․ Մուշեղ եպիսկոպոս Բաբայեանի հանդիսապետութեամբ, կատարուած է «Հրաշափառի» արարողութիւն։

Մուշեղ Սրբազան Մայր Աթոռի միաբանութեան անունով ողջունած եւ բարի գալուստ  մաղթած է Սահակ Պատրիարքին։

Այնուհետեւ Պոլսոյ Հայոց Պատրիարքը հայոց հոգեւոր կեդրոնին մէջ գտնուելուն համար, իր օրհնութիւնն ու բարեմաղթանքները փոխանցած է Սուրբ Էջմիածնայ միաբանութեան։

Յառաջիկայ օրերուն Ամենապատիւ Սահակ Պատրիարք նաեւ իր մասնակցութիւնը պիտի բերէ Մայր Աթոռին մէջ գումարուելիք Գերագոյն հոգեւոր խորհուրդի ժողովին: