Տարագիր հայերու գործերով զբաղող  գլխաւոր յանձնակատար Զարեհ Սինանեան համոզուած է, որ Համաշխարհային հայկական գագաթնաժողովի օրակարգին մէջ նախանշուած ուղղութիւնները պիտի ապահովեն աշխոյժ  եւ արդիւնաւէտ քննարկումներ: 

Իր ելոյթին մէջ Սինանեան մասնաւորապէս ըսած է․ «Ուրախ եմ ձեզ ողջունելու Հայաստանի մէջ, Համաշխարհային հայկական գագաթնաժողովը մէկ յարկի տակ  հաւաքած է 50 երկիրներու աւելի քան 600 մասնակիցներ եւ 100 բանախօսներ: Նշանակալի այս իրադարձութիւնը տեղի կ’ունենայ Հայաստանի եւ համայն հայութեան համար պատմական կարեւոր ժամանակահատուածի մէջ, երբ կը դիմագրաւենք տարբեր մարտահրաւէրներ, երբ անհրաժեշտ են մտածումնաւոր եւ համարձակ լուծումներ: Բոլորիս համար ակնյայտ է, որ փոփոխուող աշխարհն իր անմիջական ազդեցութիւնը կը ձգէ   տարագիր հայերու տարբեր համայնքներուն, կառոյցներուն, անհատներուն վրայ՝ որոշակիօրէն փոխելով նաեւ մեր օրակարգը, ուստի գագաթնաժողովը կարեւոր հարթակ է քննարկելու եւ հասկնալու իրար կարծիքները եւ դիրքորոշումները։ Այս իմաստով հայրենիք-տարագիր հայեր  գործակցութեան տարբեր ոլորտներուն ուղղուած օրակարգերը կը միտին ապահովել մեր ընդհանուր զարգացման տեսլականը եւ ծաւալել ռազմավարական երկխօսութիւն»: