Ամերիկահայ գրող եւ իրաւաբան Աննա Աստուածատուրեան-Թերքոթ հրատարակած է Պաքուի ջարդերու, բնաջնջման եւ ազգային բռնութեան մասին «Արտաքսում. դէպի անյայտութիւն» հայերէն թարգմանութեամբ գիրքը, որ կ’արտացոլէ ատրպէյճանական վայրագութիւնները՝ փախստական աղջնակի աչքերով: «Արմէնփրէս»ի մամլոյ սրահին մէջ հրաւիրուած ասուլիսի ժամանակ Աննա Աստուածատուրեան-Թերքոթ ընդգծեց, որ գիրքին մէջ կը ներկայացնէ իր սեփական ապրումները,  թէ ինչպէս 8 տարեկան աղջնակը դարձաւ վայրագութեան ամենադաժան դրսեւորումներու ականատեսը։

«1988-ին Պաքուի մէջ հայատեացութեան ահագնացող ալիքը սրբեց տարաւ համակեցութեան եւ մարդկային կարեկցանքի մասին բոլոր ցնդաբանութիւնները։ Խեղուած ճակատագիրներու, հայրենիքին մէջ օտար ըլլաու եւ օտարութեան մէջ տուն փնտռելու մասին պատմող այս գիրքը տարիներ առաջ դեռահասի օրագիր էր։ «Ես այն գրած եմ, երբ դեռ մօտաւոր 14 տարեկան էի: Այն դարձաւ գիրք, ուր ատրպէյճանական վայրագութիւնները ներկայացուեցան փախստական աղջնակի աչքերով: Ես շատ կը վախնայի, որ իմ երեխաներս, թոռներս չեն իմանար, թէ մենք ուրկէ  եկած ենք, եւ ես այս գիրքը գրած եմ, առաջին հերթին, իրենց համար: Այն շատ կարեւոր էր ինծի համար, յատկապէս պատերազմէն ետք, որովհետեւ Արցախի մէջ տեղի ունեցած պատերազմին  հետեւանքով այնտեղ ապրող երեխաները կը տառապէին այնպէս՝ ինչպէս ես Պաքուի մէջ՝ տարիներ առաջ»,- ըսած է հեղինակը: