ԱՄՆ Արտաքին գործոց նախարարութեան մամլոյ խօսնակ Նէտ Փրայս ճեպազրոյցի ժամանակ մեկնաբանած է Հոկտեմբերի 27-ին «Վալտայ» ակումբին մէջ Ռուսիոյ նախագահ Փութինի յայտարարութիւնն առ այն, որ գոյութիւն ունի Արցախեան հիմնախնդիրի  կարգաւորման այսպէս կոչուած «Ուաշինկթընեան» տարբերակ:

Ցանկալով պարզութիւն մտցնել այս հարցին մէջ՝ Փրայս ըսած է. «Նախ՝ ապատեղեկատւութիւնը կը շարունակէ տարածուիլ… այդ թուին՝ Մոսկուայէն, երբ խօսքը կը վերաբերի Հայաստանի եւ Ատրպէյճանի նկատմամբ մեր մտադրութիւններուն: Միացեալ Նահանգները այս երկու երկիրներու գործընկերն է: Մենք տասնամեակներու ընթացքին այս երկու երկիրներու գործընկերը  եղած ենք:  Մենք կը հաղորդակցինք Հայաստանի եւ Ատրպէյճանի հետ՝ միայն մեկ նպատակով, այն է՝ վերջ դնել բռնութեան եւ այս երկիրները դնել կայուն ու համապարփակ խաղաղութեան ճանապարհին։ Մենք կը հաւատանք ուղղակի երկխօսութեան օգտակարութեան՝  այդ կայուն խաղաղութեան հասնելու համար: Ես չեմ միտիր յստակ կերպով մեկնաբանել Ռուսիոյ  ջանքերը, բացառութեամբ այն պնդման, որ այս երկու երկիրները կ’որոշեն, թէ ինչպիսի մօտեցում պիտի ցուցաբերեն այս յառաջիկայ բանակցութիւններուն»։ 

Արեւմտեան Հայաստանը կը յիշեցնէ, որ կայ խաղաղութեան հայկական փաթեթ, եւ այն Սեւրի դաշնագիրն է: