Գալիֆորնիոյ նահանգապետ Կեւին Նիւսոմ 9 առաջատար ակադեմիական փորձագէտ  նշանակած է Նահանգային խորհուրդին մէջ Հոլոքոստի եւ ցեղասպանութեան կրթութեան հարցերով աշխատելու համար: Այս լուրը յայտնած է Գալիֆորնիոյ նահանգապետի գրասենեակը:

Հոլոքոստի եւ ցեղասպանութեան կրթութեան հարցերով Նահանգային խորհուրդին մէջ աշխատելու համար նշանակուած անձերու թուին է նաեւ Ցեղասպանութեան կրթութեան (GenED) ծրագիրի գործադիր տնօրէն Ռոքսան Մաքասճեան:

Նահանգային խորհուրդին մէջ նշանակուած փորձագէտներու խնդիրը պիտի ըլլայ ողջ Գալիֆորնիոյ մէջ Հոլոքոստի եւ ցեղասպանութեան հարցով կրթական աշխատանք իրականացնել, որպէսզի երիտասարդներն անհրաժեշտ գործիքներ ունենան խտրականութեան դրսեւորումներու անընդունելիութիւնը հասկնալու եւ անոնց պատշաճ արձագանգ տալու համար:

Հպարտութեամբ կրնանք նշել, որ մեր հայուհին, որ ընտրուած է այս պաշտօնին, մեծ աշխատանք կրնայ կատարել հայրենիքին ծառայելու եւ սերունդներուն իրականութիւնը ներկայացնելու գործին մէջ։ Այն, ինչ որ կատարուեցաւ մեր հետ պէտք չէ անպատիժ մնայ, այդ սերունդներու հրամայականն է։