Նոյեմբերի 1-ին Մեծ Բրիտանիոյ մէջ ՀՀ դեսպան Վարուժան Ներսէսեան հանդիպած է Միացեալ Թագաւորութեան Համայնքներու պալատի Պաշտպանութեան ընտրուած յանձնաժողովի նախագահ Թոպիաս Էլուուտի հետ։ 

Հանդիպման ընթացքին դեսպան Ներսէսեան ներկայացուցած է տարածաշրջանին մէջ առկայ անվտանգութեան մարտահրաւէրները՝ նշելով Հայաստանի Հանրապետութեան տարածքին վրայ Ատրպէյճանի լայնածաւալ յարձակման ազդեցութիւնը եւ Հայաստանի Հանրապետութեան միջազգայնօրէն ճանչցուած սահմաններէն Ատրպէյճանի զինուած ուժերը անյապաղ դուրս բերելու անհրաժեշտութիւնը։  Դեսպանը ընդգծած է նաեւ Ատրպէյճանի կողմէ հայ ռազմագերիները որպէս պատանդ պահելու շարունակական օգտագործումը՝ խախտելով Նոյեմբերի 9-ի եռակողմ յայտարարութիւնը։ Բացի անկէ, դեսպանը զրուցակիցին ուշադրութիւնը հրաւէրած է հայ ռազմագերիներուն նկատմամբ Ատրպէյճանի անմարդկային վերաբերմունքին վրայ, նշելով անզէն զինուորներու արտադատական սպանութեան վերջին օրինակը։

Կողմերը միտքեր  փոխանակած են նաեւ Հայաստան-Մեծ Բրիտանիա յարաբերութիւններու ապագային շուրջ եւ քննարկած միջազգային հարթակներու վրայ խորհրդարանական համագործակցութեան յետագայ զարգացման հնարաւորութիւնները։ 

Արեւմտեան Հայաստանը ի հարկէ դրական կը գնահատէ ՀՀ-ի եւ Մեծ Բրիտանիոյ համագործակցութիւնը: Սակայն պէտք է յիշել, որ Մեծ Բրիտանիա այն երկիրներէն մէկն է, որուն ստորագրութեամբ վաւերացուած է Սեւրի Դաշնագիրը: Իսկ այսօր միակ խաղաղութեան օրակարգը կրնայ ձեւաւորուիլ Սեւրի դաշնագիրին շուրջ, բան մը, որ կ’ենթադրէ հողերու ազատագրում եւ Մայր Հայաստանի ամբողջացում: