Արեւմտեան Հայաստանի պետական հեռուստակայանի եթերով ամփոփելով Արեւմտեան Հայաստանի Ազգային Ժողովին կողմէ կազմակերպուած «Արեւմտեան Հայաստանի մարտահրաւէրները» խորագիրը կրող գիտաժողովի առաջին օրը, ձեր ուշադրութեան կը ներկայացնենք այն կարեւորագոյն մէջբերումները, զորս առանձնացուցած ենք այդ օրէն։

Արեւմտեան Հայաստանի Հանրապետութեան նախագահ Արմենակ Աբրահամեան առաջարկեց բնիկութիւնը օգտագործել որպէս միասնականութեան կապող օղակ, քանի որ Ցեղասպանութենէն ետք կտրուած էր կապը հայուն եւ հայրենիքին միջեւ, եւ հայը  միայն լեզուի ու մշակոյթի շնորիւ կրցաւ պահպանել իր բնիկ կարգավիճակը։ Նշեց նաեւ, որ պատմութեան մէջ ներդրուած միտումնաւոր կեղծիքները հասցուցին ցեղասպանութեան, իսկ այդ գործընթացը կը շարունակուի այսօր, որպէսզի հայ ազգը ինքզինք սպաննէ՝ իր սխալ որոշումներով, աշխատանքով եւ կեղծիքներուն ուժ տալով։ Որովհետեւ հայութիւնը մինչեւ օրս չկրցաւ ճիշդ եւ արդար կերպով վերականգնել իր պետականութիւնը։ Ելոյթներով հանդէս եկան Արեւմտեան Հայաստանի պատգամաւորներն ու կառավարութեան անդամները։ Ներկայացուցին Արեւմտեան Հայաստանի առջեւ ծառացած մարտահրաւէրները եւ քննարկումներու միջոցով լուծումներ առաջարկուեցան։ Ելոյթներու եւ քննարկումներու ամբողջական տարբերակը կրնաք դիտել մեր եութուպեան պաշտօնական էջէն։