Արցախի ժողովուրդի ինքնորոշման իրաւունքն անսակարկելի է, յայտարարած է Գերագոյն հոգեւոր խորհուրդը՝ ողջունելով միջազգային հանրութեան եւ բարեկամ երկիրներու ջանքերը՝ ուղղուած տարածաշրջանին մէջ կայունութեան եւ խաղաղութեան հաստատման եւ բանակցութիւններու միջոցով առկայ հակամարտութեան խաղաղ հանգուցալուծման։

Խորհուրդը կոչ ուղղած է Հայաստանի իշխանութիւններուն՝ «ամենայն ջանք ի գործ դնել ազգային կեանքին մէջ բաժանարար գիծերը վերացնելու, քաղաքական համոզմունքներով պայմանաւորուած խտրական մոտեցումները դադրեցնելու, ատելութեան եւ թշնամանքի մթնոլորտը յաղթահարելու, ազգային բոլոր շրջանակներու ներգրաւմամբ բովանդակային առողջ երկխօսութիւն նախաձեռնելու ուղղութեամբ, որպէսզի կարելի ըլլայ համազգային համախմբմամբ ապահովել Հայաստանի Հանրապետութեան եւ Արցախի Հանրապետութեան անվտանգութիւնը, վերականգնել տարածքային ամբողջականութիւնը, կանխել մարդկային ու տարածքային հնարաւոր նոր ցաւալի կորուստները եւ միջազգային հարթակներու վրայ հետեւողականօրէն պաշտպանել Արցախի ժողովուրդի ինքնորոշման իրաւունքը»։

Արեւմտեան Հայաստանը կը յիշեցնէ, որ տարածքային այս խնդիրները պէտք է լուծել մեր ամբողջական փաթեթի ներկայացմամբ եւ իրաւունքներու պաշտպանութեամբ, որոնք ամրագրուած են տակաւին 20-րդ դարու սկիզբը։