Ընդդէմ Արդարութիւն եւ զարգացում կուսակցութեան պարագլուխներէն կազմուած կառավարութեան որոշման, Ալեւիներու հովանաւոր կազմակերպութիւնները   ընկերային ցանցերու վրայ մեծ աշխատանքներ կը տանին՝ Նոյեմբերի 7-ին եւ 8-ին Անգարայի մէջ տեղի ունենալիք ցոյցերուն եւ միջոցառումներուն վերաբերեալ տեղեկատւութիւն տարածելու համար։ Կառավարութեան որոշումը կ’ենթադրէ ալեւի փոքրամասնութեան հաւաքատեղիներու (ճեմեւի) ներառումը նախարարութեան ենթակայութեան, ինչպէս նաեւ ալեւիներու իրաւունքներու որոշ սահմանափակումեր: Հաւատքի այս ճիւղն ընտրած քաղաքացիներէն շատեր, բնականաբար դէմ են այդ որոշման։

Այս առիթով, ալեւիները  հովանաւորող եօթ  կազմակերպութիւններ յայտարարութիւն տարածած են, ուր բոլոր համախոհներուն ու անոնց առաջնորդներուն Նոյեմբերի 7-ին  միաւորուելու  եւ իրավիճակը գնահատելու կոչ ուղղած են։ Յայտարարութեան մէջ նշուած  է, որ Նոյեմբերի 8-ին պիտի մասնակցին խորհրդարանի նիստին՝ իրենց առարկութիւնները հնչեցնելու, իրենց խօսքը ըսելու եւ իրենց  ընտրած ուղին պաշտպանելու համար։