Իւանէ Ջաւախիշվիլիի անուան Թիֆլիսի պետական համալսարանի արեւելագիտութեան ճիւղի հայագիտութեան բաժինը դարձաւ 100 տարեկան։

Հայագիտութեան ամպիոնը Թիֆլիսի պետական համալսարանին մէջ հիմնուած է 1922 թուականին։ Մինչ այդ՝ համալսարանի հիմնադրման օրէն այս բարձրագոյն ուսումնական հաստարութեան մէջ դասաւանդուած են շարք մը հայագիտական նիւթեր։ 100-ամեակին առթիւ համալսարանին մէջ կազմակերպուած էին գիտաժողով եւ ցուցահանդէս։ Ցուցահանդէսին  ներկայացուած էին հայերէն եւ վրացերէն գիրքեր, ձեռագիրներ, ցուցանմոյշներ։

Ամպիոնի ուսանողները հնարաւորութիւն ունին ծանօթանալու աշխարհահռչակ հայ, վրացի եւ արտասահմանեան հայագէտներու ուսումնասիրութիւններուն, նաեւ` ուսումնասիրել հնագոյն ձեռագիրներ: