Արեւմտեան Հայաստանի Հանրապետութեան Ազգային Ժողովի պատգամաւոր Գայեանէ Թադէոսեան Արեւմտեան Հայաստանի Ազգային ժողովին կողմէ կազմակերպուած Արեւմտեան Հայաստանի մարտահրաւէրները գիտաժողովի 2-րդ օրը ներկայացուց Արեւմտեան Հայաստանի տարբեր գաւառներուն մէջ տակաւին 16-րդ դարէն ընթացող ինքնապաշտպանական մարտերը, որոնց առանցքային կիզակէտերն էին Սասունը, Զէյթունը եւ միւս լեռնային գաւառները, իսկ յետագային բողոքի ցոյցերը տարածում գտան Մուշի, Կարինի եւ այլ վայրերու մէջ։ Պատգամաւորը փաստեր ներկայացնելով Մուսայ լերան ինքնապաշտպանութենէն, մասնաւորապէս նշեց․ «թուրքերու կողմէ  հայերուն առաջարկուած է յանձնուլ, սակայն տրամաբանօրէն անոնք չեն յանձնուած, եւ դիմադրած են  այնքան՝  մինչեւ  օգնութիւնը հասնէր»։ Ընդարձակ կերպով անդրադարձաւ  նաեւ Արցախեան հերոսամարտին, նշելով, որ  ազատամարտի նպատակն Արցախը Մայր Հայաստանի կազմ վերադարձնելն էր։