Շիրազ քաղաքի Շահ Չըրաղ դամբարանին մէջ ահաբեկչական գործողութիւնը կազմակերպած է Ատրպէյճանի քաղաքացի: Նոյեմբերի 7-ին այս յայտարարութեամբ հանդէս եկած է Իրանի Իսլամական Հանրապետութեան հետախուզութեան նախարարութիւնը, ուր նշած է. «Երկրի ներսը ահաբեկչական բջիջի գլխաւոր կազմակերպիչը եւ համակարգողն Ատրպէյճանի քաղաքացի է, որ, ժամանելով Թեհրան, անմիջապէս կապ հաստատած է Աֆղանիստանի մէջ «Իսլամական պետութիւն» խմբաւորման ներկայացուցիչներուն հետ եւ անոնց տեղեկացուցած, որ Իրան կը գտնուի: Մզկիթին մէջ ահաբեկչական գործողութիւնը կազմակերպած խումբի կազմին մէջ կը  մտնէին նաեւ Աֆղանիստանի եւ Տաճիկիստանի քաղաքացիներ»,- գերատեսչութեան յայտարարութիւնը հաղորդած է «Թասնիմ» գործակալութիւնը: Հետախուզութեան նախարարութեան տուեալներով, Շահ Չըրաղ դամբարանին վրայ յարձակման կազմակերպման մեղսակցութեան կասկածով ձերբակալուած է 26 անձ: Անոնք բոլորն ալ Ատրպէյճանի, Տաճիկիստանի եւ Աֆղանիստանի քաղաքացիներ են:

Արեւմտեան Հայաստանը պաշտօնապէս  արդէն դատապարտած է այս ահաբեկչութիւնը: Մենք կը կիսենք այս վիշտը եւ կը ցաւակցինք բարեկամական Իրանի մէջ ահաբեկչութեան հետեւանքով զոհուածներու ընտանիքներուն: