Մարդու իրաւունքներու պաշտպան Քրիստինէ Գրիգորեան Նոյեմբերի 7-ին Պրիւքսէլի մէջ մասնակցած է ՀՀ-ԵՄ Մարդու իրաւունքներու շուրջ երկխօսութեան նիստին։ Գրիգորեան ներկայացուցած է 2022 թուականի Սեպտեմբերին Ատրպէյճանի կողմէ ՀՀ տարածքին վրայ յարձակման հետեւանքով մարդու իրաւունքներու կոպիտ խախտումները․ քաղաքացիական բնակչութեան եւ կենսական ենթակառուցուածքներու ուղղակի թիրախաւորումը, հայ զինուորական ծառայողներու եւ ռազմագերիներու խոշտանգումները, անմարդկային ու վատ վերաբերմունքի դէպքերը, ինչպէս նաեւ Պաշտպանին կողմէ հրապարակուած արտահերթ զեկոյցներուն մէջ արձանագրուած փաստերը:

Մարդու իրաւունքներու պաշտպանը խօսած է նաեւ Պաշտպանին կից Կիներու իրաւունքներու պաշտպանութեան, Երեխաներու եւ երիտասարդներու իրաւունքներու պաշտպանութեան հարցերով հասարակական խորհուրդներու ստեղծման ու հիմնական նպատակներուն մասին:

Արեւմտեան Հայաստանը արձանագրած է մարդու իրաւունքներու խախտումներու եւ խոշտանգումներու բազմաթիւ դէպքեր, ինչպէս վերջին պատերազմական գործողութիւններու ժամանակ, այնպէս ալ 2020 թուականի 44-օրեայ պատերազմի ընթացքին։ Փաթեթը, որ կազմուած է Արեւմտեան Հայաստանի կողմէ ներկայացուած է եւ կը ներկայացուի միջազգային տարբեր հարթակներու վրայ։ Սակայն գլխաւորաբար կը շեշտադրուին արցախահայութեան իրաւունքները, որոնց համար այժմ շատ մեծ ծաւալով դատական գործեր կ’ընթանան, վերջին 3 ընդգրկուն  փաթեթները ներկայացուած է ՄԻԵԴ օրեր առաջ։