ԱՄՆ Սենատի ընտրութիւններուն հնարաւոր եղած է կանխել Մեհմէթ Օզի ընտրութիւնը Փենսիլվանիա նահանգէն, որ կը մերժէ Հայերու դէմ իրականացուած Ցեղասպանութիւնը եւ Թուրքիոյ նախագահ Էրտողանի դաշնակիցն է։ Այս լուրը կը հաղորդէ Ամերիկայի հայ ազգային կոմիտէն՝ նշելով, որ այն հնարաւոր եղած է իրականացնել հայկական, յունական, հրէական, քրտական եւ այլ գործընկեր ամերիկեան կառոյցներու համագործակցութեան շնորհիւ։«Այս պատմական յաղթանակով, Ամերիկայի հայ ազգային կոմիտէն պաշտպանեց ԱՄՆ Սենատը, Փենսիլվանիոյ ժողովրդն ու ամերիկեան ժողովրդավարութիւնը Հայերու դէմ իրականացուած Ցեղասպանութիւնը ժխտողէն», – ըսած է կառոյցի ղեկավար Րաֆֆի Համբարեան։  Բացի անկէ, Քոնկրէսի ընտրութիւններուն պարտութիւն  կրած է նաեւ Սթիւ Շապօ, որ Թուրքիոյ եւ Ատրպէյճանի շահերուն աջակցող խումբի համանախագահն է։ ANCA-ն կը հաղորդէ նաեւ, որ Նիւ Ճըրսիէն Քոնկրէսի անդամ ընտրուած է Ռոբերթ Մենենտըս կրտսեր, որուն կ’աջակցի հայկական կառոյցը։
Արեւմտեան Հայաստանը դրական կը գնահատէ Ամերիկայի հայ ազգային կոմիտէի աշխատանքը այս ոլորտին մէջ։ Այո՛, նման ժխտողականութիւն վարող գործիչները ընելիք չունին Քոնկրէսին մէջ։