Վայոց Ձորի Ջերմուկ քաղաքի անմիջական հարեւանութեամբ` ՀՀ բռնազաւթուած տարածքին մէջ, Ատրպէյճան անօրինական շինարարութեան եւ ամրացման աշխատանքներ կ’իրականացնէ, ասուլիսի ժամանակ յայտարարած է «Թաթոյեան» հիմնադրամի ղեկավար, ՀՀ մարդու իրաւունքներու նախկին պաշտպան Արման Թաթոյեան։

«Ատրպէյճանցիներու գործողութիւնները կը վկայեն, որ  պատրաստ չեն հեռանալ ՀՀ–էն։ Անոնք կը կառուցեն զինուորական ճանապարհներ, դիրքեր, թաքստոցներ եւ այլն։ Կառուցուած ճանապարհը, ըստ մեր ուսումնասիրութեան, 10-12մ լայնք ունի»,– նշած է Թաթոյեան։

Հիմնադրամի ղեկավարին պնդմամբ` ատրպէյճանական վերջին յարձակումէն ետք առաջացած խնդիրները կը վերաբերին ոչ միայն մարդու իրաւունքներու պաշտպանութեան, այլեւ ազգային անվտանգութեան, քանի որ թիրախի տակ են ոչ միայն գիւղերը, այլեւ «Տաթեւ» Հիտրօ-ելեկտրակայանը, Ջերմուկի Հիտրօ-ելեկտրակայանը, Կապանի պոչամբարը եւ այլ ռազմավարական նշանակութեան կառոյցներ։