Գերմանիոյ մէջ քննարկումներու առարկայ դարձած է ցեղասպանութեան եւ պատերազմական յանցագործութիւններու ժխտումը քրէականացնելու հարցը։ Իրաւաբաններու դիտարկմամբ, կրնան պատժուիլ նաեւ անոնք, որոնք պիտի հերքեն Հայերու դէմ իրագործուած Ցեղասպանութիւնը։ 

«Սոցիալ-դեմոկրատական ​​կուսակցութեան» «Ազատ դեմոկրատական ​​կուսակցութեան» եւ «Կանաչներու կուսակցութեան» կողմէ ստեղծուած դաշնակցային կառավարութիւնն օրէնքի նախագիծը ներեկայացուցած է Պունտեսթակի (խորհրդարան) քննարկման եւ քուէարկման: Թէեւ ընդդիմադիր «Ձախ» եւ «Այլընտրանք Գերմանիոյ համար» (AfD) կուսակցութիւնները «դէմ» քուէարկած են, այնուամենայնիւ օրինագիծն ընդունուած է 514 պատգամաւորի «կողմ» քուէարկութեան արդիւնքով։

Յիշյալ օրէնսդրական փոփոխութիւնը կը նախատեսէ ազատազրկում (մինչեւ 3 տարի) կամ տուգանք բոլոր անոնց համար, որոնք ատելութիւն եւ բռնnւթիւն կը հրահրեն՝ ժխտելով ցեղասպանութիւնն ու պատերազմական յանցագործութիւնները։

Արեւմտեան Հայաստանը դրական կը գնահատէ այս քայլը, քանի որ այն կը խօսէ ժողովրդավարական եւ արժեհամակարգային բարձր գիտակցութեան մասին։