Այս շաբաթ կը լրանայ Լեռնային Ղարաբաղի հակամարտութեան գօտիին վրայ 44-օրեայ պատերազմի աւարտի երկրորդ տարին։ Այս առթիւ ԵՄ-ը կը յիշէ վերջին 30 տարիներու ընթացքին հակամարտութեան բոլոր հայ եւ ատրպէյճանցի զոհերը։ Տակաւին փխրուն միջավայրի մէջ, երբ վերջին 30 տարիներու վէրքերը հեռու են ապաքինուելէ, ԵՄ-ը կոչ  կ’ուղղէ կողմերուն մեղմացնել իրենց հռետորաբանութիւնը եւ խուսափիլ լարուածութեան անտեղի աճէն, այդ թուին՝ զերծ մնալով իրար նկատմամբ հնչող սպառնալիքներէն կամ մեղադրանքներէն ու ռազմական սադրանքներէն եւ գործողութիւններէն։ ԵՄ-ը պիտի շարունակէ աշխոյժ կերպով ներգրաւուած մնալ երկու կողմերու ցանկութիւններուն արձագանգելու եւ բոլոր չլուծուած խնդիրներու համապարփակ ու արդար կարգաւորման ուղղութեամբ անոնց աշխատանքին աջակցելու գործին մէջ, այդ թուին՝ Եւրոպական խորհուրդի նախագահ Չարլզ Միշէլի բարձր ներկայացուցիչ Ժոզէփ Պորէլի, ԵՄ յատուկ ներկայացուցիչ Թոյվօ Քլաարի անձնական ջանքերով ու ԵՄ այլ մեխանիզմներով։