Արցախի Հանրապետութեան Արտաքին գործոց նախարար Դաւիթ Բաբայեան ըսած է, որ Ալիեւի բոլոր յայտարարութիւնները հայատեացութեան եւ հակառուսականութեան արդիւնք են։

2022 թուականի Նոյեմբերի 8-ին, Ատրպէյճանի նախագահն այցելած էր բռնազաւթուած հայկական Շուշի քաղաք, ուրկէ իր հերթական ռազմատենչ յայտարարութիւնները կատարած էր, մէկ կողմէ՝ ուղղուած միջազգային հանրութեան դէմ, միւս կողմէ՝ արցախահայութեան, հայ ժողովուրդին՝ նշելով, որ արցախահայութիւնը յոյսը դրած է  ռուս խաղաղապահներուն վրայ, որոնք շուտով այնտեղէն դուրս պիտի գան։

«Արցախի մէջ տեղակայուած ռուս խաղաղապահներու մանդատին տակաւին 3 տարի կայ, շուտ է խօսիլ անոնց Արցախ մնալու ժամկէտի երկարաձգման կամ հակառակին մասին։ Ալիեւ, ի հարկէ, խարդախութիւններու կը դիմէ, կը փորձէ շահաբաժին ստանալ, արցախահայութիւնն ահաբեկել, սակայն տակաւին ժամանակ կայ խաղաղապահներու հարցը քննարկելու համար»,- նշած է Դաւիթ Բաբայեան։

Արցախի ԱԳ նախարարին խօսքով, Ալիեւի յայտարարութիւնը ոչ միայն սպառնալիք է ու արհամարհանք միջազգային հանրութեան նկատմամբ,  այլեւ՝ մեղադրանք է։

Անկախ այն բանէ,  թէ ինչ կը յորջորջէ Ատրպէյճանի նախագահը, Արեւմտեան Հայաստանը կը շարունակէ իր ուշադրութեան կեդրոնը պահել արցախահայերու իրաւունքներու պաշտպանութեան հարցը, տարբեր ատեաններու վրայ ներկայանալով ընդհանուր հայկական իրաւաբանական փաթեթով։ Արցախը կա՛յ եւ կը մնա՛յ հայկական, այդ մէկը ժամանակի հրամայականն է։