Նինոծմինտայի  Ժտանով գիւղի բնակիչները չեն դադրիր երազել բնական կազի մասին, անոնք զրկուած են լաւ ճանապարհներէ, իսկ ձմրան առատ ձիւնը կը փակէ ոչ միայն ներգիւղական ճանապարհները, այլեւ գիւղը կը կտրէ քաղաքէն։

Ժտանովի մէջ կ’ապրի մօտ 100 ընտանիք։ Բայց տարուէ տարի տարրական կենցաղային պայմաններու բացակայութեան պատճառով, ընտանիքները կը լքեն գիւղը։ Այս տարի Ժտանովէն հեռացած է 6 ընտանիք: Մարդիկ կը ցանկան ապրիլ յարմարաւէտութեան մէջ, լաւ պայմաններով։ Գիւղին մէջ այսօր բնական կազ չկայ, տուները կը ջեռուցուին վառելափայտով, աթարով։ Գիւղին մէջ հիմնակ զբաղմունքը անասնապահութիւնն է, վարելահողերը քիչ են։ Ոմանք փոքրիկ տնտեսութիւն ունին, ոմանք ալ՝ մեծ։

Leave a Reply