Իրանի մէջ Ատրպէյճանի դեսպան Ալի Ալիզատէ Նոյեմբերի 10-ին կանչուած է Իրանի ԱԳՆ։ 

«Թեհրանի մէջ Ատրպէյճանի դեսպանը կանչուած է ԱԳՆ՝  ատրպէյճանցի պաշտօնեաներու յայտարարութիւններուն եւ ատրպէյճանական լրատուամիջոցներուն մէջ ոչ բարեկամական հակաիրանական հրապարակումներուն առթիւ», – նշուած է Իրանի ԱԳՆ հաղորդագրութեան մէջ։

Իրանի ԱԳՆ-էն յոյս յայտնած են, որ այս գործընթացը հնարաւորինս արագ պիտի դադրեցուի: «Մենք կ’ակնկալենք, որ այս գործընթացը հնարաւորինս շուտ պիտի դադրեցուի, եւ անհրաժեշտ միջոցներ պիտի ձեռնարկուին անոր կրկնութիւնը կանխելու համար», – Իրանի ԱԳՆ-էն ըսուած է ատրպէյճանցի դիւանագէտին։