Ռուսիոյ Պետական տումայի Անկախ պետութիւններու համագործակցութեան հարցերու, եւրասիական համաձուլման եւ քաղաքացիներու հետ յարաբերութիւններու յանձնաժողովի նախագահի առաջին տեղակալ Քազբեկ Թայսաեւ յայտարարեց, որ իրենք չեն կրնար պատկերացնել Հայաստան առանց Ռուսիոյ, իսկ Ռուսիան՝ առանց Հայաստանի։

«Մեր երկիրները կը կապէ մեծ յաղթանակը, զոր ոչ ոք կրնայ խլել։ Միեւնոյն ժամանակ, մենք իրար հետ կապուած ենք ընդհանուր մշակոյթով, պատմութեամբ, կրօնով եւ հաւատքով»,- ըսած է Թայսաեւ, աւելցնելով, որ խորհրդարանական համագործակցութեան բաղադրիչը պէտք է ալ աւելի կարեւոր դեր խաղայ Հայաստանի եւ Ռուսիոյ խնդիրներու լուծման գործին մէջ։

«Իսկ ինչ կը վերաբերի Հայաստանի խորհրդարանին մէջ տեղի ունեցած հանդիպման, Վերին Լարսի մէջ համագործակցութեան յաջող փորձ ունինք։ Լարսին վերաբերող խնդիրներ կան։ Պիտի ստեղծուի ճանապարհային քարտէզ, որ պիտի օգնէ այս հարցերու յաջորդ քայլերուն մէջ»,- ըսած է ան:

Արեւմտեան Հայաստանը Ռուսիոյ հետ ունի բարեկամական յարաբերութիւններ, որուն մասին կը փաստէ  նաեւ պատմական անցեալը, երբ 1917 թուականին ռուսական հրամանագիրով ճանչցուեցաւ Արեւմտեան Հայաստանը։ Մենք կը շարունակենք պահպանել բարի դրացիական յարաբերութիւնները, ի հարկէ առաջնորդուելով ազգային շահով։