Ֆիլմարտադրող Ջիւան Աւետիսեանի «Դրախտի դարպասը» ֆիլմը, որ կ’անդրադառնայ արցախեան հարցին, «Լաւագոյն խաղարկային ֆիլմ» մրցանակին արժանացած է Թորոնթոյի «Pomegranate» միջազգային կինոփառատօնին:

Ջիւան Աւետիսեան նշած էր, որ  ֆիլմը կեանքի կոչելու ժամական անցած են բազում դժուարութիւններէ: «Հայաստանի մէջ ֆիլմ նկարահանելը, այն ալ՝ արցախեան հարցով, բախական բարդ է թէ՛ նիւթական, թէ՛ քաղաքական առումով: Այս անգամ եւս հարեւան պետութիւնը փորձեց խոչընդոտել արտասահմանեան դերասանական եւ ստեղծագործական կազմի ներգրաւուածութիւնը ֆիլմին եւ նկարահանումներուն, թշնամական ալիք բարձրացուց, բան մը, որ դժուարացուց եւրոպական կողմէն նիւթական աջակցութեան հարցը։ Այո, մեր հարեւանները մեզ փորձած են խոչընդոտել, բայց մենք առաջ  ընթացած ենք հոսանքին հակառակ եւ այսօր արդէն ունինք մեծ արդիւնք։ Ֆիլմի թիրախային հանդիսատեսն ամբողջ աշխարհն է, ուստի մենք ֆիլմ կը ստեղծենք միլիոնաւոր մարդոնց համար»,-ընդգծած էր Աւետիսեան։

Արեւմտեան Հայաստանը դրական կը գնահատէ այն ջանքերը, որոնք գործադրուած են ֆիլմի նկարահանումներն իրականացնելու եւ ֆիլմը ստեղծելու համար։ Այն ջանքերը, որոնք ներդրուած են, այսօր ստացան իրենց արժանի գնահատականը Թորոնթոյի փառատօնին։