Վանի մէջ Արարատեան թագաւորութեան ժամանակաշրջանին կառուցուած Ամիկ ամրոցը մինչեւ օրս կը կրէ պատմութեան հետքերը՝  քարագիր արձանագրութիւններով եւ շրջակայքի կառոյցներով։

Ամրոցը կը գտնուի Օզիուրթ գիւղի հիւսիսային մասը։ Ն.Ք. 700-ական թուականներուն պատկանող Ամիկ ամրոցը, որ հիմնադրուած է որպէս նաւահանգստային առեւտուրի կեդրոն, հակառակ բնական աղէտներուն եւ գանձախոյզներու պատճառած վնասներուն, կրցած է կանգուն մնալ մինչեւ օրս եւ կը համարուի Վանի մշակութային կարեւոր կառոյցներէն մէկը։

Նաւահանգստային Ամիկ ամրոցի շրջակայքը գտնուող պահեստները, փապուղիները կամ անցումները, որոնք կը կապեն ամրոցն ու Վանայ լիճը, ի ցոյց կը դնեն են այն մեթոտները, որոնցմով ժամանակին ուրարտացիները ապահոված են իրենց անվտանգութիւնը: