Արեւմտեան Հայաստանի Երզնկայի Տերճան գաւառին մէջ կառուցուած Ապրանք վանքը ձգուած է ճակատագիրի քմահաճոյքին։ Եկեղեցւոյ մուտքի դրան վրայ նշուած է, որ այն կառուցուած է 1854 թուականին։  Ճարտարապետական առումով եկեղեցին արժէքաւոր է: Հակառակ գանձագողերու աւերածութիւններուն՝ եկեղեցին եւ կից մատուռը կրցած են կանգուն մնալ եւ մեր օրեր հասնիլ։ Յիշեցնենք, որ Երզնկայի Ապրանք վանքի իրական անուանումը Սուրբ Դաւիթ է, եւ որ այս վանքին մօտ կը գտնուին Երզնկայի երկու յայտնի խաչքարերը։ Ուչփընար գիւղի Վանք լերան վրայ կառուցուած վանքը 19-րդ դարուն եղած է այս շրջանի հոգեւոր կեդրոնը։ Վանքի 2 խաչքարերն ամենամեծն են այդ տարածաշրջանին մէջ: Անոնց վրայ առկայ են բազմաթիւ հայերէն գրութիւններ: 4մ բարձրութիւն եւ 1մ լայնք ունեցող խաչքարերէն մէկուն վրայ փորագրուած են 1191, իսկ միւսին՝ 1194 տարեթիւերը։