Կովկասի մէջ բանակցութիւններու գիծով ԱՄՆ Արտաքին գործոց նախարարի խորհրդական, ԵԱՀԿ Մինսկի խումբի համանախագահ Ֆիլիփ Ռիքըր, ելոյթ ունենալով Սենատի արտաքին յարաբերութիւններու յանձնաժողովի լսումներու ժամանակ, ըսած է․ «Կարեւոր է նշել, որ դէպի Լեռնային Ղարաբաղ մուտքը սահմանափակ է: Ես անձամբ չկրցայ այցելել այն՝ վերջերս տարածաշրջան կատարած այցիս ժամանակ։ Այս պահուն ԱՄՆ վարչակազմի ներկայացուցիչները մուտք չունին Լեռնային Ղարաբաղ, որպէսզի գնահատեն մարդասիրական կարիքները եւ ծրագիրներ մշակեն»։

Շատ էական է, որ Ռիքըր  խոսած է Հայաստանէն Լեռնային Ղարաբաղ մեկնելու մասին։ Այն կը նշանակէ, որ Լեռնային Ղարաբաղը կը դիտարկուի որպէս հայկական տարածք։ Իր հերթին, Ռիքըր նշած է, որ ԵԱՀԿ Մինսկի խումբի համանախագահներու փոխգործակցութեան մեխանիզմը չի գործեր, սակայն ձեւաչափի մանդատն ու նպատակը պահպանուած են։ Այսինքն, մանդատը չեղարկուած չէ, հարցը կարգաւորուած չէ, համանախագահի մուտքը պէտք չէ արգիլուի։ Եթէ կ’արգիլուի, ուրեմն Լեռնային Ղարաբաղը բռնազաւթուած է, եւ Ռիքըր փաստացի կ’արձանագրէ այդ հանգամանքը։