Կիլիկիոյ Մերսինի Ենիշեհիր գաւառին մէջ, ալեւի 5 քաղաքացիներու տուներու վրայ  կարմիր ներկով խաչի նշաններ կատարուած են։ Դէպքին առթիւ ոստիկանները դէպքի վայրին մէջ եւ  շրջակայքը կ’իրականացնեն հետաքննութիւն։

Քաղաքացիները կը նշեն, որ այն կատարուած է  մէկ կամ քանի մը հոգիի կողմէ, որոնք գիտեն անոնց ալեւի ըլլալու փաստը։ Անոնք անհանգստացած են   կատարուածին համար եւ կը պահանջեն հնարաւորինս արագ յայտնաբերել յանցագործները։

Յիշեցնելով, որ նմանատիպ խաչի նշաններ ազգայնամոլներու կողմէ անցեալին կատարուած են Մարաշի եւ այլ վայրերու մէջ տեղի ունեցած ջարդերէն առաջ, քաղաքացիներն ըսած են. «Ալեւի ըլլալու գինը մենք կը վճարենք ողջ պատմութեան ընթացքին։ Այլեւս չենք ուզեր, որ այսպիսի բաներ տեղի ունենան: Մեր երեխաները սարսափած են, արդեօք երեխաներուն հետ կարելի՞ է այսպէս վարուիլ»: