Սուրբ Ստեփանոս եկեղեցին կը գտնուի Հադրութ շրջանի Տող գիւղի հարաւ-արեւմտեան մասը, ընդարձակ գերեզմանոցին մօտակայքը: Համաձայն մուտքի ճակատամասի արձանագրութեան, եկեղեցին 1747թ. վերանորոգած են մելիք Եգան եւ անոր որդի մելիք Եսայի:

Սուրբ Ստեփանոս եկեղեցին կառուցուած է աւելի շուտ` միջնադարեան մայր տաճարին տեղը, որ իր հերթին կառուցուած է հեթանոսական տաճարի հիմքերուն վրայ:

Սուրբ Ստեփանոս եկեղեցւոյ ներքին սրահը ուղղանկիւն կամարակապ դահլիճ է: Քանդուած եկեղեցիէն մնացած են կոպտատաշ քարերէ  կառուցուած պատերը: Արտասովոր ձեւ ունեցող քանդակազարդ սիւնը դահլիճը կը բաժնէ երկու անհաւասար մասերու: Եկեղեցւոյ տարածքին բազմաթիւ գերեզմանաքարեր կան, որոնք քարի վրայ փորագրման միջնադարեան արուեստի վառ օրինակներէն են: Եկեղեցւոյ պատերուն մէջ Խաչքարերու իւրայատուկ հաւաքածու տեղադրուած է (51 հատ):