«Այբ» դպրոցի աշակերտներուն նախագծած սարքը պիտի ուղարկուի տիեզերք։ Խօսքը 197 կրամնոց սարքին (payload) մասին է, որ տեղադրուած է ենթաուղեծիրային հրթիռի մէջ։ Այն դուրս պիտի գայ բաց տիեզերք՝ մինչեւ 125քմ բարձրութիւն, այսինքն` պիտի հատէ տիեզերքի պայմանական սահմանը (Karman line)։

«Հրթիռը պիտի ուղարկուի Հնդկաստանի «Skyroot» տիեզերակայանէն: Սարքը տիեզերքին մէջ պիտի մնայ 2-3 վայրկեան եւ այդ ընթացքին տուեալներ պիտի հաւաքէ հրթիռի թռիչքի հետագիծին, ջերմաստիճանին եւ ճնշման փոփոխութեան, արագութեան, արագացման, ինչպէս նաեւ ուլթրամանիշակագոյն ճառագայթման խտութեան եւ օզոնի կեդրոնացման մասին»,– նշուած է հաղորդագրութեան մէջ։

Նախատեսուած չափումներն իրականացնելէ ետք սարքը հրթիռին հետ միասին պիտի իյնայ։

Նշենք, որ «Այբ» դպրոցի նախագծային ուսումնառութեան ճարտարապետական ակումբի «Ad Astra» խումբը յաղթած է 2022թ. Քեմուրճեանի անուան համաերիտասարդական տիեզերքի մրցոյթին, եւ աշակերտներուն նախագծած սարքը որպէս մրցոյթի յաղթող պիտի ուղարկուի տիեզերք։