44-օրեայ պատերազմի ժամանակ Շուշիի գորգերու թանգարանէն տարհանուած եւ Հայաստան տեղափոխուած գորգերու ցուցադրութեան եւ պահպանման վայրը տակաւին անորոշ է: Կրթութեան, գիտութեան, մշակոյթի եւ մարմնակրթութեան նախարարութիւնն ու տնօրէնն այդպէս ալ չեն կրցած որեւէ տարածք ընտրել ու անոր շուրջ համաձայնութեան գալ, իսկ պատճառները տարբեր են:

Մինչեւ այս հարցը, ի վերջոյ, գտնէ իր լուծումը՝ Շուշիի գորգերու թանգարանի հիմնադիր տնօրէն Վարդան Ասծատրեան որոշած է ձեռքերը ծալած չնստիլ ու շրջիկ ցուցադրութիւններ կազմակերպել: Առաջին կանգառը պիտի ըլլայ Վանաձորը՝ Լոռի-Փամբակի երկրագիտական թանգարանը: Վանաձորեան ցուցադրութեան բացումը տեղի պիտի ունենայ Նոյեմբերի 18-ին, ժամը 18:00-ին:

«Որոշած եմ շրջիկ ցուցադրութիւն կազմակերպել տարբեր մարզերու մէջ, որովհետեւ կը տեսնեմ, որ այնտեղ աւելի հետաքրքրուած են: Կը տեսնեմ, որ մարդիկ կ’ուզեն սորվիլ այնտեղ: Ցուցադրութիւնը պիտի տեւէ քանի մը ամիս, պիտի կազմակերպուին նաեւ կրթական ծրագիրներ՝ կապուած գորգարուեստի հետ: Այս պիտի նպաստէ, որ մարդիկ կրթուին, ձեւաւորուի երիտասարդներու խումբ, որոնք պիտի շարունակեն այս բոլորը»,- յայտնած է Վարդան Ասծատրեան:

Անոր փոխանցմամբ, ցուցահանդէսի տոմսի արժէքը 1000 դրամ է: