Ջաւախքի Նինոծմինտա քաղաքին մէջ կայացաւ «Աշնան մեղեդի. բանաստեղծական երեկոյ» խորագիրը կրող միջոցառումը՝ նուիրուած նշանաւոր հայ բանաստեղծ, քնարերգու եւ հասարակական գործիչ Վահան Տէրեանին։

«Ջաւախքին աջակցութիւն» հիմնադրամի գործադիր տնօրէն Սամուէլ Մկոյեան նշեց, որ միջոցառման նպատակն է ամրապնդել հայ-վրացական յարաբերութիւնները։ «Մենք հաւաքուած ենք այստեղ՝ լսելու Տէրեան, ասմունքելու Տէրեան, օրն այսօր Տէրեանով  լեցուած է։ Այստեղ մշակութային միջոցառումներ յաճախակի չեն կազմակերպուիր։ Կը կարծեմ, որ նմանատիպ միջոցառումները հայ-վրացական յարաբերութիւններու ամրապնդման հիմնասիւներէն են։ Վերջին 9 տարիներու ընթացքին հիմնադրամը կազմակերպած է աւելի քան 100 միջոցառում»,- ըսած է ան։

Միջոցառումը կազմակերպուած է «Ջաւախքին աջակցութիւն» հիմնադրամի, Նինոծմինտայի քաղաքապետարանի եւ ՀՀ  Կրթութեան, գիտութեան, մշակոյթի եւ մարմնակրթութեան  նախարարութեան հետ համատեղ։

Leave a Reply