Արեւմտեան Հայաստանի պետական հեռուստակայանի եթերով Արեւմտեան Հայաստանի Հանրապետութեան նախագահ Արմենակ Աբրահամեան խօսեցաւ իրաւարար վճիռին մասին, նշելով․ «Այն անմիջական կապ ունի Սեւրի դաշնագիրի  89 , 90 եւ 91  յօդուածներուն հետ, որոնք հիմք հանդիսացած են, որ Վուտրօ Ուիլսըն ստորագրէ իրաւարար վճիռը։ Այն պաշտօնապէս կ’եզրագծէ Արեւմտեան Հայաստանի եւ Թուրքիոյ սահմանը, հաշուի առնելով, որ ամբողջ տարածաշրջանին մէջ առաջին միջազգային սահմանն էր, որ ինքնաբերաբար կը հաստատէր երկու պետութիւններու սահմանը։ Ստորագրումէն ետք տարբեր յանցագործ քաղաքական ուժեր որոշեցին բաժնել միացեալ Հայաստանը, քանի որ միացեալ Հայաստանը հիմնաւորուած է Արեւմտեան Հայաստանի տարածքին վրայ»։

Նախագահը խօսեցաւ նաեւ այն քաղաքական ուժերուն մասին, որոնք կը վարեն փակուղային քաղաքականութիւն, որ կ’ենթադրէ շեղում միացեալ Հայաստանի գաղափարէն եւ կեդրոնացում Արցախի անկախութեան գաղափարին վրայ։ Ան դատապարտեց  նաեւ քաղաքական ուժերուն կողմէ իրականացուող արշաւները, որոնց միջոցով լրատուական դաշտին մէջ կը յայտնուին այնպիսի նիւթեր, ուր կ’անտեսուի բնիկութեան հիմքը, նշելով, որ հայերը Արցախի եւ Արեւմտեան Հայաստանի մէջ փոքրամասնութիւն են։ Անդրադարձաւ նաեւ Արցախի հերոս, հրամանատար Լէոնիտ Ազգալդեանին, քանի որ Նոյեմբերի 22-ին  կը նշուի անոր ծննդեան օրը։ Նախագահը յիշեց Ազգալդեանի հետեւեալ խօսքը. «Արցախը Հայստան է եւ վերջ» եւ աւելցուց, որ այս խօսքերուն մէջ պէտք է ընկալել նաեւ Արեւմտեան Հայստանը, քանի որ  Արցախեան Ազատամարտը սկսաւ հիմնաւորուելով Արեւմտեան Հայաստանի ազատագրութեան վրայ։