Ջաւախքի Գանձա գիւղին մէջ մեկնարկած են Վահան Տէրեանի տուն-թանգարանի յուշային հատուածը վերականգնելու նախապատրաստական աշխատանքները: Այս լուրը տեղեկացուցած է «Ջաւախքին աջակցութիւն» հիմնադրամի (ՋԱՀ) տնօրէն Սամուէլ Մկոյեան: 

«2021-ին Նինոծմինտայի քաղաքապետարանի եւ բարերարներու աջակցութեամբ առաջին հանգրուանին վերականգնուած է Տէրեանի տուն-թանգարանի ցուցասրահը: Այժմ երկրորդ հանգրուանին մեկնարկած ենք յուշային մասը վերականգնելու նախապատրաստական աշխատանքները: Կը մշակենք վերջնական նախագիծը՝ տեսնելու, թէ յուշային մասն ինչ տեսք պիտի ունենայ: Կարճ ժամանակ անց նախագիծը վերջնական տեսք պիտի ունենայ, որմէ ետք պիտի անցնինք շինարարական աշխատանքներուն»,- մանրամասնած է ան: 

2019 թուականին Տէրեանական օրերու ծիրին մէջ «Ջաւախքին աջակցութիւն» հիմնադրամը  յայտարարած էր Վահան Տէրեանի տուն-թանգարանի վերականգման պատրաստակամութեան մասին, քանի որ այն կը գտնուէր անմխիթար վիճակի մէջ: 

Leave a Reply