Ատրպէյճանական զինուժը հրաձգային զինատեսակներէ  քանի մը ուղղութիւններով կրակած է Պաշպանութեան բանակի դիրքերուն, ինչպէս նաեւ Մարտունի շրջանի Մաճկալաշէնի մերձակայքը գիւղատնտեսական աշխատանքներ կատարող տրակտորին ուղղութեամբ: Պաշտօնական հաղորդագրութեան համաձայն, հայկական կողմը կորուստներ չունի։

Հրադադարի խախտման մասին հաղորդումները վերջին շրջանին գրեթէ ամէնօրեայ են։ Մաճկալաշէնի ղեկավար Լեռնիկ Աւանէսեան կը կարծէ, որ ատրպէյճանցիները աշնանացանը կ’ուզեն խոչընդոտել։ Դաշտերը, որոնց ուղղութեամբ կրակած են ատրպէյճանցիները, կը պատկանին Սարուշէն գիւղին։ Ըստ Սարուշէն համայնքի ղեկավարին, դաշտերէն ատրպէյճանցիներու դիրքերը շատ հեռու չեն՝ ուղիղ գիծով՝ 800մ – 1քմ։ Գասպարեան նշած է, որ ատրպէյճանցիներն աշխուժացած էին նաեւ անցեալ տարի՝ կրկին աշնանացանի ժամանակ։

Leave a Reply