Արցախի Ազգային նուագարաններու պետական նուագախումբը կը շարունակէ «Ազգային մշակոյթը դպրոցին մէջ» խորագիրը կրող դաս-համերգային ծրագիրը։  Նուագախումբի գեղարուեստական ղեկավար եւ խշբավար Լեւոն Սարդարեան նշած է, որ ծրագիրը մեկնարկած է տակաւին ընթացիկ տարուայ գարնան՝ Արցախի Հանրապետութեան Կրթութեան, գիտութեան, մշակոյթի եւ մարմնակրթութեան նախարարութեան նախաձեռնութեամբ։

«Ծրագիրի նպատակն է մատաղ սերունդը ծանօթացնել ազգային նուագարաններուն եւ դասական երաժշտութեան։ Շատ երեխաներ ծանօթ չեն ժողովրդական գործիքներուն: Համերգ-դասերու շնորհիւ անոնք ե՛ւ կը տեսնեն ժողովրդական գործիքները, ե՛ւ կը ծանօթանան անոնց պատմութեան ու կատարողական առանձնայատկութիւններուն»,- ըսած է Լ. Սարդարեան:

Լ. Սարդարեանի խօսքով, ծրագիրը գիւղերու դպրոցներուն մէջ իրականացնելու համար պիտի աշխատին նաեւ հանրապետութեան շրջաններու մշակոյթի տուներու նուագախումբերուն հետ՝ հնարաւորութիւններու սահմանին մէջ օժանդակելով եւ աջակցելով անոնց:

Leave a Reply