Նոյեմբերի 24-ին Հայաստանի պատմութեան թանգարանին մէջ պիտի բացուի «Հին Մեծամօր. հայ-լեհական բացայայտումներ» խորագիրը կրող ցուցահանդէսը, որ կազմակերպուած է Հայաստանի եւ Լեհաստանի միջեւ դիւանագիտական յարաբերութիւններու հաստատման 30-ամեակի ծիրին մէջ։ Ցուցահանդէսը պիտի կազմակերպուի Երեւանի մէջ Լեհաստանի Հանրապետութեան դեսպանութեան, Հայաստանի պատմութեան թանգարանի, Կրթութեան, գիտութեան, մշակոյթի եւ մարմնակրթութեան  նախարարութեան «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն» ՊՈԱԿ-ի եւ Սարդարապատի հերոսամարտի յուշահամալիր, Հայոց ազգագրութեան եւ ազատագրական պայքարի պատմութեան ազգային թանգարանի համագործակցութեամբ։ Պիտի ներկայացուին Մեծամօրի հնավայրին մէջ հայ-լեհական արշաւախումբի 10-ամեայ հնագիտական աշխատանքներու արդիւնքները։

Leave a Reply