Թիֆլիսի մէջ տեղի ունեցաւ Վրաստանի պարարուեստի միութեան կողմէ կազմակերպուած պարի փառատօն, որուն Ախալքալաքէն կը մասնակցէին «Ջաւախք» ազգագրական համոյթի փոքր խումբի սաները, Ախալքալաքի  “ՀԱՅՔ” պարային համոյթը, ինչպէս նաեւ Օրճա, Ազաւրէթ եւ Կորխ գիւղերու պարախումբերը։ Փառատօնէն Ջաւախքի մասնակիցները վերադարձած են վկայագիրներով եւ մետալներով։ 

Ախալքալաքի երիտասարդական կեդրոնի պատասխանատու Կարինէ Թադէոսեան շնորհակալ է Վրաստանի պարարուեստի միութեան այսպիսի միջոցառում կազմակերպելուն համար։ 

«Այսպիսի միջոցառումները կարեւոր են հայ-վրացական մշակոյթի համատեղ զարգացման համար, մեր բարեկամական կամուրջը, մշակութային կամուրջը պիտի ա՛լ աւելի խորացուի, ոչ միայն պարի, այլ նաեւ երգի ու արուեստի այլ ճիւղերուն նուիրուած փառատօններու միջոցով»,  – նշած է Թադէոսեան։

Leave a Reply