Արեւմտեան Հայաստանի պետական հեուստակայանի եթերով Հայկական Ճարտարապետութիւնն Ուսումնասիրող հիմնադրամի փոխտնօրէն Րաֆֆի Քորթոշեան խօսեցաւ Սամուէլ Կարապետեանի նոր հրատարակուած գիրքին մասին, մասնաւորապէս նշելով․ «2004 թուականէն գիրքը պատրաստ եղած է, սակայն որոշ պատճառներով չէ հրատարակուած, բայց այս տարի  Մարի Լու եւ Բեկոր Փափազեաններու ջանքերով այն հրատարակուեցաւ։ Աշխատանքները կատարած է Սամուէլ Կարապետեան՝ գլխաւորաբար հիւսիսային Արցախի մէջ։ Այս գիրքին մէջ զետեղուածը եւս մէկ  ապացոյց է, որ արցախցին դարերէ ի վեր, սերունդէ սերունդ ապրած է մէկ վայրի մէջ, հետեւաբար ան բնիկ է եւ կը կրէ իր հայրենիքի իւրաքանչիւր տեղամասի անուան տեղեկութիւնը իր մէջ, որ համամարդկային արժէք է։ Մանրատեղանունները ոչ նիւթական մշակութային արժէքներու ամէնէն արագ վերացող տեսակն են, իսկ Ատրպէյճանի վարած քաղաքականութեամբ՝ Արցախի բնիկներու տեղահանութեամբ,  քանի մը սերունդ ետք բնիկներու կողմէ մոռացութեան պիտի  մատնուին այդ մանրատեղանունները։ Այս գիրքը կու գայ անոնց փրկութեան համար։

Leave a Reply