Հայաստանն իր պաշտպանողակութիւնը բարձրացնելու եւ տնտեսութիւնը զարգացնելու համար իրապէս կրնայ օգտուիլ Հնդկաստանի արագ առաջընթացէն։ Հայաստանի մէջ տեղի ունեցող  «Հայաստան-Հնդկաստան. հազարամեայ յարաբերութիւններու նոր խթաններ» խորագիրը կրող առաջին միջազգային գիտաժողովի ժամանակ իր ելոյթին մէջ ըսած է ՀՀ Արտաքին գործոց նախարարի տեղակալ Մնացական Սաֆարեան։

«Վերջին ժամանակաշրջանին աշխոյժ աշխատանք կատարուած է 2 երկիրներու պաշտպանական ոլորտին մէջ, միջազգային փոխադրումներու եւ հաղորդացութեան, զբօսաշրջութեան եւ այլ ոլորտներու մէջ»,–նշած է Սաֆարեան։

Վերջինիս խօսքով, Հայաստան հարուստ մշակութային ժառանգութիւն ունի Հնդկաստանի մէջ, որ տեղի կառավարութիւնը հոգատարութեամբ կը պահպանէ։ 

«Շուտով ականատես պիտի ըլլաք շարք մը ուղղութիւններով տարուող աշխատանքի արդիւնքներուն առեւտուրի, պաշտպանութեան, հաղորդակցութեան ոլորտին մէջ։ Վերջին 6 ամիսներու ընթացքին կարեւոր հանդիպումներ  կայացած են, որոնց արդիւնքները երեւան պիտի գան։ Իսկ յաջորդ տարին նուիրուած պիտի ըլլայ գերատեսչութիւններու ուղղութեամբ աշխոյժ ոլորտային աշխատանքներու»,– նշած է Սաֆարեան։

Արեւմտեան Հայաստանը դրական կը գնահատէ  ՀՀ-ի մէջ ձեւաւորուած ամէն տեսակի նոր ու արդիւնաւէտ համագործակցութիւն, որ կը նպաստէ սահմաններու պաշտպանական ու անվտանգային խնդիրներու կարգաւորման։