Ռապաթի մէջ Նոյեմբերի 28-էն Դեկտեմբերի 3-ը տեղի պիտի ունենայ ԵՈՒՆԷՍՔՕ-ի ոչ նիւթական մշակութային ժառանգութեան պահպանութեան հարցերով միջկառավարական կոմիտէի 17-րդ նստաշրջանը: Նստաշրջանին կը մասնակցիէ աշխարհի 125 երկրի՝ աւելի քան 1000 ներկայացուցիչ, այդ թուին` համաձայնագիրին միացած անդամ երկիրներու, ԵՈՒՆԷՍՔՕ-ի հովանիին ներքոյ գործող հասարակական կազմակերպութիւններու ներկայացուցիչներ:

Նստաշրջանի օրակարգի կարեւոր հարցերէն են տարբեր երկիրներէ գրանցման ներկայացուած յայտերու քննարկումները: Ներկայացուած էր 50 յայտ։

Նստաշրջանին մասնակցելու նպատակով Ռապաթ մեկնած է ԵՈՒՆԷՍՔՕ-ի մէջ ՀՀ մշտական ներկայացուցչութեան պատուիրակի տեղակալ Օ. Դաւթեան եւ ՀՀ Կրթութեան, գիտութեան, մշակոյթի եւ մարմնակրթութեան նախարարութեան մշակութային ժառանգութեան եւ ժողովրդական արհեստներու վարչութեան մշակութային ժառանգութեան պահպանութեան եւ հանրահռչակման բաժնի գլխաւոր մասնագւտ Ն. Կիլիչեան։